Инаугуралниот меч од 22. коло во англискиот Чемпионшип го одиграа екипите на Бирмингем и на Дерби Каунти.
Конечниот резултат на оваа средба изнесуваше 1-4 во корист на Дерби.
,,Црно-белите”, или во овој случај ,,Розевите” поради третата гарнитура, покажаа ,,заби” уште во воведните 45 минути, кога поведоа со клучни 0-3.
Најпрво, по грешката на Нил Етериџ, голманот на Бирмингем, дебитантскиот погодок во дресот на Дерби, а воедно и најскапото клупско засилување во историјата, Кристијан Биелик (15′), им донесе почетно водство на ,,Овните”.
Само две минути подоцна, Греам Шини, од пенал, ја удвои предноста, а Колин Казим-Ричардс (26′) зголеми на 0-3.
На полувремето, тренерот на домашниот состав, Аитор Каранка, направи четири измени. Сепак, ни тоа не им помогна на ,,Сините” да го избегнат поразот, кои во 77. минута примија уште еден погодок од Џејсон Најт за конечни 0-4.