Четвртиот натпреварувачки викенд од Светскиот куп во санкање на вештачки патеки се одвива во германскиот Винтерберг, а на денешната програма беше индивидуалното санкање во женска конкуренција.
Во првата серија, очекувано врвот го освоија Германките Натали Гајзенбергер и Јулија Таубитц (+0,075), а пријатно изненадија Андреа Фетер (+0,160), Кендија Апарјоде (+0,228) и Ана Берајтер (+0,249).
Накрај, Таубитц ја запиша третата овосезонска победа, а Гајзенбергер (+0,106), поради грешката на стартот, по петти пат во низа го освои второто место. Во однос на првата серија, Летонката Елиза Тирума напредна од шестата до третата позиција (+0,266). Во продолжение, со заостаток под половина секунда, следуваа Маделене Егле (+0,359) и Андреа Фетер (+0,402).
