По само вторпат во последните три години, Локомотив Јарослављ успеа да го надигра Торпедо Нижњи Новгород и тоа со резултат од 4-1.
Во осмата минута, Јегор Коршков го отвори резултатот, носејќи му предност на Локомотив, но само 43 секунди подоцна, Торпедо израмни на 1-1 преку својот најдобар поентер – Дамир Жафјаров.
До крајот на првата третина, Андре Петерсон го врати водството на домашниот состав, а во вториот период, мрежата на Никита Серебрјаков ја затресоа уште Павел Красковски и Денис Алексејев, кои го поставија конечниот резултат.
Со третиот триумф во низа, на два натпревари пред крајот на регуларната сезона, Локомотив го држи четвртото место на Западот со ист број на бодови како и третопласираниот тим на Динамо Москва.
Од друга страна, Торпедо е осми на Истокот со веќе осигурано учество во плејофот.
📸 Ярослав Неелов, photo.khl.ru
