Македонската ракометна репрезентација денес во Букурешт со почеток во 17 часот ќе гостува на Романија и ќе се обиде да ја сочува предноста од +8 oд првиот натпревар и да се пласира во вториот бараж каде ќе не чека селекцијата на Чешка.
„Среќни сме, но работата не е завршена. Во Букурешт не чека многу потежок меч од оној во Скопје. Не треба да одиме да ја браниме предноста, туку да победиме. Романците ќе одат на се или ништо, да направат големо изненадување. Мислам дека можеби ќе се обидат да не изненадат со некоја друга одбранбена зона, можеби со фластер на Кире Лазаров. Во нападот не гледам како би изненадиле, бидејќи претежно тоа се акциите што ги играа, што ги анализиравме и ги видовме и на првиот натпревар во Скопје“, изјави нашиот најдобар ракометар од првиот дуел Филип Талески.
