Сениорска машка репрезентација на Македонија пред заминувањето на Светското првенство во Полска и Шведска одржа прес конференција на која беа присутни селекторот Кирил Лазаров, голманот Никола Митревски и левиот бек Филип Талевски.
Ги знаеме сите противници, со каков квалитет располагаат. Имавме доста време да се подготвиме и мислам дека тоа доста добро го направивме. Првиот меч е со Норвешка која е фаворит за златото, но тоа не треба да нè плаши. Секоја репрезентација во денешно време игра ракомет, а ние покажавме во тие квалификации дека кога е тешко, можеме и знаеме. Не треба да се плашиме од никого, треба да одиме максимално на секој натпревар, чекор по чекор. Зошто да не направиме и некое изненадување како некои селекции што прават. Наше е да слушаме какви задачи ќе добиваме од нашиот селектор, го дадеме нашиот максимум на терен и мислам дека имаме добра иднина со оваа помлада репрезентација и со оваа игра што покажавме дека едноставно станавме една модерна репрезентација со доста трчање и доста постигнати голови. Треба да се фокусираме малку повеќе на одбраната и со таа транзиција каде што во последните два натпревари со Израел и Хрватска покажавме дека знаеме да трчаме и сме спремни. Младоста тоа ни го дозволува, можеме да направиме доста добар резултат – изјави нашиот репрезентативец Филип Талески.
