Струшкиот уметник Горан Ристовски на површина од 13 метри должина и 7 метри висина на фасадата на Центарот за култура во Струга изработи прекрасен мурал посветен на ликот на стружанецот Владо Малески кој е автор на македонската химна.
Покрај делови од стиховите на химната, Ристовски вметнал и неколку други елементи. За Ристовски кој 14 години создава улична уметност ова му е петти мурал кој го изработил во својата Струга.