На последното натпреварување од Светскиот куп во ски скокови во женска конкуренција, скокачките на Словенија испишаа нова историја.
Имено, во Оберхоф (Германија), за првпат во досегашното постоење на Светскиот куп, на подиумот на една трка се нашле три претставнички на една нација.
По вторпат во два дена, со триумф се закити Урша Богатај, која прескокна точно сто метри во втората серија.
Лидерката после првиот скок, Ника Крижнар, заврши на второто место, а како третопласирана излезе Ема Клинец.
Освојувачката на големиот кристален глобус, Марита Крамер, беше четврта и воедно најдобра натпреварувачка што не е Словенка.
Во продолжение, во првите десет завршија уште: Катарина Алтхаус, Шпела Рогељ, Сара Таканаши, Лиза Едер, Фрида Вестман и Силје Опсет.
