Втората станица во новата година од Светскиот куп во алпско скијање во машка конкуренција е швајцарскиот Аделбоден, каде што на програмата се двете технички дисциплини.
По изминатите две велеслаломски трки, каде што убедливо славеше Алексис Пантуро, денешната трка беше вкупно четврта во слалом во оваа сезона.
На истата, до третата победа во кариерата и прва во слалом дојде Австриецот Марко Шварц (1:52,69).
Веднаш после него, огромен успех остварија Линус Штрасер (+0,14) и Британецот Дејв Рајдинг (+0,15). За Штрасер, по победата во Загреб, ова е втор најдобар пласман во слалом, додека Рајдинг за првпат во кариерата се пласираше на третото место.
Пкасман во по првите десет изборија уште: Михаел Мат (+0,17), Лоик Мејар (+0,19), Танги Неф (+0,23), Даниел Јул (+0,39), Клеман Ноел (+0,38), Себастијан Фос-Солевааг (+0,41) и Александер Хорошилов (+0,51).
Најголем губитник од сите беше Виктор Муфа-Жанде, кој беше втор после првата серија, а поради грешка во втората, заврши дури на 26. место.
📸 Christophe Pallot/Agence Zoom/Getty Images
