Во осмина-финалето на КХЛ се соочуваат третиот и шестиот тим на Западот, односно Динамо Москва и Северстаљ Череповец.
Првиот меч заврши со 1-0 во корист на Динамо, а денес, Северстаљ успеа да слави на гостински терен со 2-5 и да израмни на вкупни 1-1.
Во првиот период, Никита Гуслистов им донесе водство на гостите, а во воведните минути на вториот дел, Динамо израмни преку Вадим Шипачјов.
До крајот на третината, Александер Петунин и Шон Лалонд повторно му донесоа резултатска позитива на Северстаљ, а до наредната пауза, Дмитри Кагарлитски намали на 2-3.
Што се однесува до успешноста на шутевите, третиот дел помина во знакот на претставниците на Череповец, кои уште двапати ја затресоа мрежата на Александер Јерјоменко, благодарение на Јоонас Натинен и на Владислав Кодола.
📸 severstalclub.ru
