Селекторот на англиската фудбалска репрезентација, Герет Саутгејт, на прес-конференцијата пред финалето на Европското првенство со Италија изјави дека сака трофејот конечно да дојде во неговата земја.
Добивме писмо од кралицата и премиерот, што е навистина фантастично. Среќен сум што ги препознаа нашите напори и сè што постигнавме. Беше возбудливо да се чита писмомо што ни го испрати кралицата Елизабета. Ние сме во финалето и сакаме да го освоиме Европското првенство и трофејот конечно да дојде во Англија. Се подготвуваме како и за секој друг нокаут натпревар кој го имавме. Сите едвај го чекаме почетокот на мечот. Во изминатите четири години успеавме да минеме низ многу предизвици и одевме чекор по чекор. Сите знаеме колку долго се чекаше на ваков натпревар во Англија и се надеваме дека на крајот сите ќе славиме.
Финалниот натпревар на ЕП помеѓу репрезентациите на Англија и Италија е закажан в недела од 21.00 часот.
