После четири поминати сезони во англиската Лиг 1, Сандерленд избори промоција назад во Чемпионшип.
Имено, ,,Црните мачки”, денес пред повеќе од седумдесет илјади гледачи на ,,Вембли”, во финалето на плејофот, славеа со 2-0 над Викомб Вондерерс.
Во првото полувреме, стрелец за номиналните домаќини беше Елиот Емблтон (12′), кој ја смести топката во голот по неспретната реакција на противничкиот голман – Дејвид Стокдејл.
На единаесет минути пред крајот, конечниот резултат го постави вториот најдобар голгетер во лигата – Рос Стјуарт (79′).
Викомб не успеа експресно да се врати во второлигашкото друштво, а тага на навивачите им нанесе и последниот меч во кариерата на легендарниот Адебајо Акинфенва.
Освен Сандерленд, во Чемпионшип се пласираа Виган и Ротерам Јунајтед, заземајќи ги местата на Дерби Каунти, на Питерборо Јунајтед и на Барнсли.
