Второто денешно натпреварување од јубилејното 50. издание на Светското првенство во санкање на вештачки патеки го сочинуваа машките индивидуални санкачи.
Од нив, најбрз на крајот беше Русинот Роман Репилов (1:37,810), кој по третпат освои светско злато, односно ја одбрани минатогодишната титула.
Водечкиот после првата серија и новиот шампион на Светскиот куп, Феликс Лох (+0,062), мораше да се задоволи со сребрениот медал, а вторпат во низа, до бронзата дојде Давид Глајршер (+0,217).
Во продолжение следуваа уште двајца Германци што заостануваа под половина секунда – Макс Лангенан (+0,249) и Јоханес Лудвиг (+0,251).
📸 Dmitry Feoktistov\TASS via Getty Images
