Работнички преку одличниот Едвин испушти сензација против МЗТ

Вечното дерби, број 158 им припадна на МЗТ Скопје Аеродром со 89:83 против одличниот Работнички. Работнички, во осетно изменет состав и играчки и тренерски, му стави до знаење на фаворитот на хартија дека нема намера да се предаде пред топката да биде потфрлена.

Тоа особено се однесува за минутите и играта која ја прикажа во воведниот период нивното ново засилување, Деон Едвин кој за 15 минути на теренот испорача дури 19. поени, беше главниот двигател во играта на „бело-црвените“ кои имаа минимално, но постојано водство.

Ефикасната прва четвртина домашната екипа ја затвори со предност (29:26). До истекот на 20.минута, аеродромци ја сведоа негативата на минимална (45:46). Едвин стигна до 22 реализации, а другото ново-старо лице во тимот од „Градски парк“ Стефан Балмазовиќ, дојде до 11.На другата страна од теренот, погодуваа деветмина кошаркари, но ниту едне од нив не ја помина бројката од барем десет поени.

Средишниот дел од третата четвртина донесе многу поефикасна игра на гостинската екипа. Почнаа да погодуваат од далечина „сино-белите“. Преку капитенот Дамјан Стојановски, кој казни серија на неколку нивни грешки, и серијата од (13-0), се одвоија на (66:58), по нецели 28.минути од играта во дербито на 17.коло. Тројката која дојде од Николов за двоцифрен плус од (69:58), уште повеќе го продлабочи периодот на криза во играта на Работнички. Го прекинаа со шест поени, но Дејвис го прекина „враќањето“ на домашната екипа. Силниот Американец со тројка постави (72:64) по три одиграни четвртини.

Нецели две минути им требаа на избраниците на тренерот Игор Михајловски да направат мини-серија (7-0), и да стигат до само еден поен негатива (71:72), и го натераа новот тренер на „металците“ Александар Петровиќ на брз „тајм-аут“.

Без особен ефект затоа што најдобриот поединец кај Работнички, Деон Едвин, погоди уште една тројка, за промена на водството (74:73).Уште една, но на „сино-белата“ страна, со пет поени по ред, донесе Дејвис за (78:74), а Мекиќ и Милошевиќ ја пролонгираа серијата на МЗТ Скопје Аеродром на (9-0) поставија уште повисоки (82:74) на 2:41 минути пред крајот на дербито во СРЦ „Кале“.

Сепак, по 32.поен на Едвин, беше „само“ (82:80) за гостите на 1:49 минути до финалната сирена.Шансата за егал, не ја искористи Марковски, веднаш казни Милошевиќ за (84:80), предност која гостите ја одбранија, за скор (14-3) со кој го задржаа чекорот со лидерот Пелистер.