Второто овосезонско натпреварување во Хинценбах (Австрија) од Светскиот куп во ски скокови донесе неверојатен расплет на настаните.
Имено, до седмата победа во кариерата, односно прва после две години, дојде домашната претставничка – Кјара Кројцер (235,6).
Само 0,1 поен помалку од неа имаше вчерашната победничка и првопласираната во генералниот поредок, Ева Пинкелних, а третото место го зазеде Нозоми Марујама (-0,8).
Позади неа се пласираше Ема Клинец (-0,9), која остана без подиум за една десетинка, а петта, со напредок од седум позиции, беше Ника Превц (-4,6).
Лидерката од првата серија, Катарина Алтхаус (-5,8), мораше да се задоволи со петтото место, а во првите десетмина се најдоа уште: Ана Одине Стром (-11,5), Теа Минјан Бјорнсет (-11,7), Зелина Фрајтаг (-12,0) и Александрија Лути (-15,3).
