Екипата на Кожув, во рамките на петтото коло од македонската Суперлига, пред својата публика го запиша првиот овосезонски триумф, совладувајќи го Феникс со 91-83.
Во текот на првото полувреме, двете екипи изгледаа релативно изедначено со повремени серии и на двете страни.
Сепак, клучна за победата на домаќините беше третата четвртина, која ја добија со 24-12, пред сè поради шесте постигнати тројки од вкупно деветте обиди.
Кај победничкиит состав, двајца играчи потполно се истакнаа со постигнат дабл-дабл учинок – Чез Вилијамс (25 поени, 3 скокови и 12 асистенции) и репрезентативецот Марко Симоновски (15 поени и 11 скокови).
Од таборот на скопските претставници, со по 18 кошеви, најефикасни беа Американците Куртис Џонс и Двејн Морган.
На табелата, Кожув (1-4) му го предаде последното место на единствениот тим без победа, Ангели, додека Феникс (2-3) ја зазема шестата позиција.
