Пред два дена, челниците на грчкиот второлигаш Ираклис Лариса му врачија отказ на тренерот Панајотис Дилберис по очајниот старт на сезоната од шест врзани порази со гол-разлика од 0-11.
Во осмото коло, неговото место го зазеде Христос Хатзилијадис, кој му ја донесе првата победа на Ираклис.
Имено, во градското дерби на Лариса, минатосезонскиот шампион на групата 3 од третата лига дојде до триумф над Аполон со резултат од 0-2.
Номиналните гости постигнаа по еден гол и во двете полувремиња, а ,,автори” на првите погодоци во новото првенство беа Омирос Сиренгелас (21′) и Лефтерис Бамис (59′).
До крајот, поразениот состав остана со десетмина на теренот, откако втор жолт картон доби Христос Калусис (63′).
На табелата, Ираклис остана на последното место, додека Аполон падна во опасната зона на дванаесеттата позиција.
https://www.instagram.com/p/CmeMdv0MND4/?igshid=YmMyMTA2M2Y=
