Македонија и оваа година нема многу ракометари кои играат низ европските лиги . Порталот www.javisejuzna.mk се потруди да направи истражување за ефикасноста на неколкумината кои настапуваат оваа полусезона.
Убедливо најефикасен македонец во Европа и оваа година е Никола Костески кој настапува за чешкиот вицепрвак Талент Плзен со 118 голови на 23 натпревари или 5,13 гола по натпревар. Костески има 90 гола на 19 натпревари во првенството и Купот на Чешка и 28 голови на 4 натпревари во ЕХФ Купот.
Втор после него е неговиот соиграч од ланската сезона Влатко Митков со 102 голови на 12 натпревари или 8,5 гола по натпревар. Митков настапува во втората лига на Австрија во тимот на Холабрун.
Трет на листата е Костадин Петров кој настапува во втората лига во Исланд. Петров има 73 голови на 11 натпревари или 6,6 гола по натпревар.
Четврти на листата е Мартин Поповски со 48 голови на 23 натпревари или 2,08 гола по натпревар. Поповски кој настапува во тимот на Амитичија Цирих во Швајцарија постигна 38 голови на 19 меча во првенството и 10 гола на 4 меча во Лигата на Европа.
После нив доаѓаат нашите двајца ракометари кои настапуваат во Ваљадолид во Шпанија. Дарко Димитриевски ина постигнато 33 голови, додека Димитар Димитриоски 30 голови во Асобал лигата.
Легендарното десно крило Владимир Темелков погодува и во петтата деценија од животот за Каерјенг во Луксембург и има постигнато 21 гол на 9 натпревари или 2,33 по натпревар.
Последен на оваа листа е единствениот македонец кој игра во најсилната лига во светот Бундеслигата. Македонскиот репрезентативец Филип Кузмановски оваа година има постигнато 18 голови во дресот на Хановер.
