Агонијата на Портсмут продолжи, иако тренерот Кени Џекет го напушти клубот од јужниот брег на Англија.
Имено, доколку се земат предвид сите натпреварувања, денес, во рамките на 36. коло од Лиг 1, популарните ,,Помпи” го запишаа петтиот врзан пораз.
Овој пат, ,,Сините” беа поразени од Питерборо Јунајтед со минимални 1-0.
Единствениот погодок на мечот падна во 32. минута, кога Расмус Николаисен ја затресе сопствената мрежа после противничкиот корнер.
Во продолжение, поразениот состав покажа подобри перформанси, но не успеа да го постигне посакуваниот погодок.
Новата загуба го спушти Портсмут на десеттото место на табелата, додека Питерборо е втор, со огромни шанси за преземање на врвот.
📸 Laurence Griffiths/Getty Images