вторник, ноември 17, 2026
  • Контакт
  • Импресиум
  • Маркетинг
No Result
View All Result
ЈАВИ СЕ ЈУЖНА
  • Почетна
  • Спорт
  • МАГАЗИН
  • МУЗИКА
  • ДЕСТИНАЦИИИ
  • ИНТЕРВЈУ
  • Контакт
  • Почетна
  • Спорт
  • МАГАЗИН
  • МУЗИКА
  • ДЕСТИНАЦИИИ
  • ИНТЕРВЈУ
  • Контакт
No Result
View All Result
No Result
View All Result
ЈАВИ СЕ ЈУЖНА
Почетна Спорт Останато

Привршуваат подготовките за “Спортскиот фестивал Илинден 2022”

ЈАВИ СЕ ЈУЖНА ✏️ ЈАВИ СЕ ЈУЖНА
јули 28, 2022
📁 Останато
Најдобар фитнес центар во Струга Најдобар фитнес центар во Струга Најдобар фитнес центар во Струга

Во организација на Спортско-рекреативниот клуб „Соларис“ од Струга, во соработка со Клубот за друмски велосипедизам „Фаланга“ Струга, клубовите за планински велосипедизам „Рупикапра“ и „Караула” од Струга, Планинарско Еколошко друштво „Закамен“ Струга, како и со учество на сите други заинтересирани клубови, спортисти, ентузијасти, професионалци и аматери, со поддршка и помош од Црвен крст – Струга, и пред сѐ, со сесрдната и несебична помош на нашите спонзори, помагачи и пријатели, на 1 август 2022 година ќе биде организиран Спортскиот фестивал Илинден 2022. Овој спортско-културен хепенинг се организира во чест на големиот празник Илинден, како израз на почит и сеќавање на револуционерната борба за државност и самобитност, на сите кои со својата борба и саможртва во двата Илиндена ја создадоа македонската држава. Затоа решивме преку спортски активности токму на просторите каде се одвиваа едни од најголемите битки, каде се создавани најголемите воени единици, да ги одбележиме двата Илиндена, нивната врска и историски след кој натаму водеше до создавање на независна држава Македонија.
Концептот на спортските активности опфаќа и посета сите значајни места, спомен-обележја, но и места кои се значајни и за културната историја на Македонија и македонскиот народ. Во зависност од типот на спортските активности, ќе бидат посетени разни места, како што се посета на Селци, каде била родната куќа македонскиот драмски писател Војдан Чернодрински и на Арсениј Јовков, првиот македонски сценарист и учесник во Илинденското востание, посета на спомен-обележхата и гробовите во Ташмаруништа каде се погребани во заедничка гробница востаниците од Ложани и Драслајца, на гробот на војводата Панделе Спасески – Ружин, кој ги предводел сите чети во една од најголемите битки за време на Илинденското востание, посета на спомен-обележјето во Локов, каде е формирана Првата македонска ударна бригада, бројните спомен-обележја што сведочат за борбата, хероизмот на генерациите кои се бореа за самостоја и независна држава Македонија. Затоа нашето овогодишно мото е „По врвиците на борбата за македонска државност”.
На нашава фејсбук-страница во следните денови ќе може да ги најдете сите неопходни податоци за учество на Спортскиот фестивал Илинден 2022, а на денот на настанот за време на одржувањето на активностите ќе може да ги проследите сите случувања, неколку кратки и интересни интервјуа со спортисти – учесници, стотици фотографии и видеа преку кои ќе можете да се запознаете со прекрасните предели, природните убавини на овој крај каде ќе се одвиваат настаните.
Покрај спортските активности, на нашата страница ќе бидат дадени на бројни податоци за двата Илиндена, за настаните и личностите од овој крај, со што сакаме да придонесеме и во запознавање на пошироката јавност со нив.
Ве покануваме на незаборавно доживување, спортување и дружење во еден од најубавите природни предели на нашата мила татковина Македонија, заеднички да го одбележиме големиот празник Илинден!

Краток план и опис на предвидените активности:
Стартот ќе биде на Мостот на поезијата, по двата кеја на реката Црн Дрим и во самата река. На левиот брег стартуваат МТБ велосипедите и АТВ Мотоциклите, на десниот друмските велосипедисти, а во водата кајакарите и СУП-ерите. Планинарите ќе стартуваат од с. Ташмаруништа. Освен планинарите, сите се движат низ градот до самиот излез на Струга, каде по различни рути се упатуваат до с. Глобочица, на 25 км од Струга. Таму е предвидена голема забава со Ди-Џеј и заеднички ручек.

Кајакарска рута
Кајакарите тргнуваат од Мостот на поезијата. Деталниот план дополнително ќе биде објавен.
Кајакарите ќе бидат придружени од чамци, екипи за поддршка и спасување, опремени со соодветна опрема за безбедно пловење.
Должината на кајакарската рута изнесува 25 км.

Друмски велосипедизам
Рутата ќе биде од Струга – Дебар – Глобочица (пауза) – Струга
Должина 100 км

Планински велосипедизам

Ќе се возат две патеки со различна тежина и должина.

  1. Струга – Ложани/Драслајца – Биџево – Мислодежда – Локов – Селци – Глобочица (потешка)
  2. Струга – Ложани/Драслајца – Биџево – Мислодежда – Глобочица (полесна)
    Деталните рути ќе бидат објавени дополнително со сите неопходни податоци. Организаторот соодветно ќе ги обележи рутите, ќе ги запознае учесниците и ќе назначи водичи за секоја тура.

Планинарската патека изнесува 14 км. Од Ташмаруништа преку планината ќе се стигне до собирното место во Глобочица.

Музички хепенинг
Сите учесници ќе пристигнат во Глобочица, каде ќе се одржи музички хепенинг. Ќе биде обезбеден ручек, како и пијалоци за сите учесници.
Организаторот ќе организира префрлање со сплав преку реката Црн Дрим. За сите учесници ќе бидат организирани станици за вода, придружба од медицинска екипа, како и техничка помош за сервис на велосипедите. Сите спортски активности ќе бидат придружувани од екипа за помош со АТВ-а.

Со цел успешна реализација на оваа непрофитна манифестација и покривање на нужните оперативни организациски трошоци, за учество на спортскиот фестивал учесниците мора да си купат ваучер во висина од 300 денари.

Пријавување учество на електронската пошта: bikeclubsolaris@yahoo.com

Сите информации може да ги добиете и на: 078 241 418 (Коста Хиохи) или 078 444 602 (Мите Стефоски)

Лого на фестивалот: Лазе Трипков

ShareTweet
Претходна вест

Екипата на Голден Арт покрај Матлиески ќе има уште еден стружанец на клупата

Следна вест

(ВИДЕО) Доџерс ги декласираа Нешоналс уште во првиот ининг

ЈАВИ СЕ ЈУЖНА

ЈАВИ СЕ ЈУЖНА

Портал кој се залага за презентација пред се на македонската публика во сите сфери како спорт, музика, филм и сите слободни артисти кои што сакаат да бидат презентирани на јавноста. Слободно испраќајте ни ги Вашите активности и идеи и ние сме овде за да Ве презентираме на нашата публика.

Слични вести

ОД СТРУГА ДО СВЕТСКИОТ ВРВ – ИЛИРИЈАН АСАНИ ШЕСТИ ВО СВЕТОТ!
Останато

ОД СТРУГА ДО СВЕТСКИОТ ВРВ – ИЛИРИЈАН АСАНИ ШЕСТИ ВО СВЕТОТ!

✏️ ЈАВИ СЕ ЈУЖНА
01/Ное/2026
МАКЕДОНИЈА ИМА СВЕТСКИ ШАМПИОН! ДРАГАН СТОЈЧЕВСКИ СЕ ИСКАЧИ НА ВРВОТ ВО ШПАНИЈА
Останато

МАКЕДОНИЈА ИМА СВЕТСКИ ШАМПИОН! ДРАГАН СТОЈЧЕВСКИ СЕ ИСКАЧИ НА ВРВОТ ВО ШПАНИЈА

✏️ ЈАВИ СЕ ЈУЖНА
30/Окт/2026
СТРУГА ЌЕ БИДЕ ДОМАЌИН НА ПРВИОТ МЕМОРИЈАЛЕН ПЛИВАЧКИ МИТИНГ „КИРЕ ЃОРГОН 2026“
Останато

СТРУГА ЌЕ БИДЕ ДОМАЌИН НА ПРВИОТ МЕМОРИЈАЛЕН ПЛИВАЧКИ МИТИНГ „КИРЕ ЃОРГОН 2026“

✏️ ЈАВИ СЕ ЈУЖНА
27/Окт/2026
12 МЕДАЛИ ЗА ПК СТРУГА НА XXII NEMO KUP 2026
Останато

12 МЕДАЛИ ЗА ПК СТРУГА НА XXII NEMO KUP 2026

✏️ ЈАВИ СЕ ЈУЖНА
23/Окт/2026
Следна вест
(ВИДЕО) Доџерс ги декласираа Нешоналс уште во првиот ининг

(ВИДЕО) Доџерс ги декласираа Нешоналс уште во првиот ининг

Последно

Томовски херој на Битигхајм: Гол и 10 одбрани за вреден бод против моќниот Мелсунген!

ДВОЈНА РАДОСТ ЗА ЖРК СТРУГА: ДВЕ ПОБЕДИ ВО ДВА ДЕНА!

ЧАИР ГО ПРЕГАЗИ КУР И ПОВТОРНО ИСПИША ИСТОРИЈА! ОСМИНАФИНАЛЕ ЗА МАКЕДОНСКИОТ ПРЕТСТАВНИК ВО ЕХФ КУПОТ!

Вардар славеше во интересното дерби со Алкалоид

ВО ЖИВО: Вардар – Алкалоид

Победа на Македонија до 17 години против Унгарија со Хет-трик на Стефан Ристиќ

Ние стремиме кон презентирање на македонската публика во најдобро можно светло, промовирајќи ги сите македонски кои се натпреваруваат на домашна сцена и на меѓународна. Ви благодариме!

Следете не!

© 2020 www.javisejuzna.mk - Креирана и дизајнирана од MaxCode.mk.

  • Контакт
  • Импресиум
  • Маркетинг
No Result
View All Result
  • Почетна
  • Спорт
  • МАГАЗИН
  • МУЗИКА
  • ДЕСТИНАЦИИИ
  • ИНТЕРВЈУ
  • Контакт

© 2020 www.javisejuzna.mk - Креирана и дизајнирана од MaxCode.mk.