Во периодот од 2016 до 2019, Дени Коули, заедно со својот брат Ники како асистент, правеше чуда на клупата на Линколн.
Добрите изданија им овозможија трансфер во Хадерсфилд, а подоцна и во Портсмут, каде што имаа амбиции за враќање назад во Чемпионшип после една деценија.
Сепак, речиси две години подоцна, односно на 2 јануари 2023, дуото доби отказ, откако Портсмут го заземаше, за нив, незадоволувачкото дванаесетто место.
Краток период, како привремен тренер на првиот тим беше Сајмон Беси, а од денес, истата функција, но со договор на подолг период, ја зазеде Џон Мусињо.
Мусињо е Англичанец со португалско потекло, кој буквално до вчера, како играч, ги бранеше боите на Оксфорд Јунајтед.
Во играчката кариера, освен за клубот од универзитетскиот град, 36-годишниот дефанзивец настапуваше за повеќе екипи, од кои, најголема трага остави во Брентфорд, во Викомб Вондерерс и во Бартон Албион.
,,И јас и клубот имаме слични цели и сме фокусирани на остварување на кратки и на долги успеси, кои ги заслужуваат овие навивачи.” – гласеше дел од првото тренерско обраќање на Мусињо.
