Првото историско натпреварување во супер тимови од Светскиот куп во ски скокови во машка конкуренција се одржа синоќа во Лејк Пласид (САД).
Станува збор за штафета во која, од секоја селекција, скокаат по двајца натпреварувачи.
Со златни букви во историјата се запишаа Пјотр Жила и Давид Кубацки, кои и’ донесоа триумф на Полска.
Даниел Чофених и Штефан Крафт за Австрија се пласираа на второто место, а третопласирана беше Јапонија, односно Наоки Накамура и Рјоју Кобајаши.
Во продолжение, редоследот гласеше: Германија, Словенија, Норвешка, Финска, Швајцарија, Италија, Естонија, САД, Казахстан и Романија.
