Во 38. коло од англиската Лиг 1, Питерборо Јунајтед повторно се врати во битката за врвот, откако го декласираше Акрингтон Стенли со убедливи 7-0.
Имено, напаѓачите на ,,Сините” покажаа одлична ефикасност со седум погодоци од дванаесет шутеви во рамките на голот.
Најдобриот стрелец во лигата, Џонсон Кларк-Херис (3′, 9′, 65′), постигна хет-трик и се осамостои на водечката позиција на листата на стрелците со 25 голови.
Освен него, два погодоци и една асистенција запиша Семи Смодич (23′, 48′), а мрежата на 20-годишниот Тоби Савин, за првпат во сезоната, ја затресоа Мо Еиса (77′) и Идрис Кану (82′).
За составот на Дарен Фергусон, ова е само втора победа на последните седум средби, но доволна за второто место на табелата.
Всушност, популарните ,,Пош” имаат само бод заостаток, но и натпревар помалку во однос на првопласираниот Хал.
Од друга страна, со четвртиот пораз на последните пет пресметки, Акрингтон падна на тринаесеттата позиција.
📸 Twitter: Peterborough United
