Петкратниот италијански одбојкарски шампион базиран во Чивитанова, Волеј Лубе, во рамките на 16. коло од Серија А, се соочи со Пијаченца.
Двете екипи важат за гиганти на италијанската одбојка во 21. век, но Лубе покажа драстично подобри перформанси на денешниот меч.
Имено, домаќините триумфираа со вкупни 3-1, откако по почетното водство, Пијаченца успеа само да израмни на 1-1.
По сетови, резултатот гласеше 25-19, 22-25, 25-20 и 25-19.
Најефикасни одбојкари од победничкиот состав беа Јоанди Леал (17), Камил Рихлицки (15) и Османи Хуанторена (13) со 58% успешност во нападот.
Кај Пијаченца, најмногу се истакна Иранецот Мохамад Мусави со 14 поени и со 73% успешност.
За Лубе, ова е 17. врзана победа над денешниот ривал, кој во меѓувреме доживеа и финансиски колапс. Патем, последен пат кога Пијаченца славеше над Лубе беше на 23 јануари 2014, кога во плејофот на ЛШ, победи со 3-0, а потоа и го елиминираше ривалот преку ,,златен” сет.
Со новите три поени, тимот спонзориран од истоимената фабрика за кујни останува на второто место, додека Пијаченца, со вториот врзан пораз, ја доведе во опасност шестата позиција што води во плејоф.
📸 Lega Pallavolo Serie A
