Даниела Петкоска е најдобра наша флејтистка за која што малку се зборува пишува и се знае. Инаку таа со својот труд, професионализам пред се голем талент се пробива на светска сцена рамо до рамо со најдобрите во оваа професија.
Освен тоа таа се обидува да ги заживее македонските народни песни приспособени за флејта изведба како и да ги подигне и мотивира останатите во оваа сфера да го кренат својот глас. Во прилог нејзина изјава во која што опишува и раскажува на повеќе теми,проследете:
,,Во ноември 2019 година во Италија имав некои награди и признанија како и доделен Лауреат за најдобар флејтист на генерација во Италија и во таа чест имав прилика да настапувам како солист на Mittlefest во Италија, еден од многу познат фестивал. Свирам и настапувам како солист во соработка со Хироми Араи, доста позната пијанистка од Јапонија. Се надеваме да настапиме и на Охридско Лето до наредна година. Исто последно сум доста посветена да аранжирам наша македонска изворна музика, песни и ора. Настапував последно на наши македонски фолклорно културни настани во Италија, со моја уметничка група која се состои за Глас, Флејта, Контрабас и УТ ( турски инструмент). Мој колега италијанец на контрабас имам прилика да го претставам Симоне Ланци, кој ја обожава нашата македонска традиционална музика и последно го промовираше и снима Цд со наша македонска музика во Италија, посебно е љубител на чалгија. Идејата ми беше да создадам доста специфичен уметнички стил вклопен за изведба на македонска музика. Нешто ретко и специфично каде не се среќава често како изведба. Последно настапувавме последно заедно низ Италија и Хрватска се надевам за скоро и во Германија. Заедно со уште еден мој колега на УТ Милош Дрпа и него сакам да го претставам како дел од групата. Бевме поканети да настапиме во Чешка на познат фестивал во склоп со Музика од Балконот, но поради пандемијата е откажано. Цел ни е и желба да настапиме со нашите аранжмани и во Македонија, доколку не подржат некој од културно уметничките друштва и фестивали. Имав настап во познатата сала Ватрослав Лисински во Загреб, како претставник од Македонија во Хрватска за негување на македонска народна музика, со моја најомилена песна “Со Маки сум се родила” обработена како соло верзија за флејта и глас. Пробувам да ги негувам уметнички нашите Македонски песни како и цел ми е да ја оживеам македонската музика на флејта , покрај класиката. И идејата ми е малку да оживеам некои наши познати македонски композитори и инструменталисти како на пример нашиот можеби заборавен сега флејтист и композитор Иван Терзиев” – изјави за нашиот медиум Даниела Петкоска.
