Еурофарм Пелистер се спаси од пораз во драматичното дерби против Охрид, откако со гол во последната секунда стигна до реми 28:28.
Херој на битолчани е Петар Атанасијевиќ, кој во последниот напад ја презеде одговорноста и погоди за израмнување, претворајќи го поразот во важен бод за гостите.
Атанасијевиќ одигра фантастичен натпревар и постигна 8 гола од 8 обиди, без ниту едно промашување. Најефикасен кај Пелистер беше Филип Кузмановски со 10 гола.
Кај Охрид блескаше Доминик Мате со 11 погодоци, додека Анте Иванковиќ постигна 4, а Гоце Олески додаде 4.
Последниот напад донесе драма, а Атанасијевиќ со звукот на сирената го спаси својот тим.




