Горан Пандев го одигра првиот меч за Џенова во 2021 година по повредата на бутниот мускул, а неговиот тим освои голем бод во Бергамо со реми без голови против Аталанта.
Пандев влезе во игра во 63 минута и помогна тимот да освои голем бод. Џенова бие голема битка за опстанок и овој бод вреди многу за нив. Сега со 15 бодови од 18 меча најстариот клуб во Италија се наоѓа на 16. позиција, или две скалила над опасната зона за испаѓање.
