Во рамките на дваесет и второто коло од италијанската Серија Б, Парма ја оправда фаворитската улога, совладувајќи го Порденоне со 4-1.
Гостите од регионот Фриули влегоа во мечот со почетно водство од 0-1, откако Џузепе Ди Серио (12′) го постигна првиот погодок во новата средина.
На стартот на второто полувреме, во игра за Парма влезе Горан Пандев на местото на Јоан Бони.
На македонскиот фудбалер му беа потребни само десет минути за да го израмни резултатот со дебитантскиот погодок во дресот на тимот од ,,Енио Тардини”.
До крајот, домаќините го превртеа мечот во своја корист преку Денис Ман (67′), Франко Вазкез (69′) и Адријан Бенедичак (79′).
На табелата, Порденоне падна на последното место, додека Парма скокна на единаесеттата позиција.
