Тимот на Охрид се подготвува за новата сезона во Суперлигата во ракомет. Меѓу новите ракометари кои го засилија клубот, е и стружанецот Гоце Ојлески кој пристигна од шампионот на Македонија.
„Позитивно сум изненаден од тоа како ме прифатија. Охрид има одлична организација, не заостанува зад фаворитите во лигата. Се надевам дека со добра работа ќе го кренеме Охрид ниво повеќе. Би посакал да сме здрави. Имаме нова екипа со нов тренер, ќе ни биде потребно повеќе време да се запознаеме и воиграме. Мислам дека со напорна работа ќе направиме добар успех во новата сезона. Охрид е меѓу најубавите градови во Македонија. Има одлични услови за работа, буквално сè што ни е потребно за работа“, изјави левото крило Гоце Ојлески кој пристигна од Еурофарм Пелистер.
