На 10 ноември, после шест порази на седум натпревари, Лим Ричардсон доби отказ од англискиот второлигаш Виган Атлетик.
Денес, после неколкудневни преговори, популарните ,,Латикс” пронајдоа замена на тренерската позиција во името на Коло Туре.
Туре е добро познато име на островот поради фактот дека од 2002 до 2017 играше за четири британски гиганти – Арсенал, Манчестер Сити, Ливерпул и Селтик.
Воедно, Коло, заедно со неговиот брат, Јаја Туре, остави длабока трага и во националниот дрес на Брегот на слоновата коска, за кој одигра 120 натпревари од 2000 до 2015.
За Ивориецот, ова ќе биде прв самостоен тренерски ангажман, иако претходно му беше помошник на Брендан Роџерс во Лестер.
