Откако Карло Анчелоти премина во Реал Мадрид, Евертон остана со празно место на тренерската позиција.
Од денес, официјално, истата ја пополни шпанскиот стратег, Рафаел Бенитез, кој потпиша договор на три години.
Дел од навивачите на Евертон не се задоволни со оваа одлука на челниците на клубот, поради фактот дека Бенитез го предводеше градскиот ривал Ливерпул во своите најславни тренерски денови, односно од 2004 до 2010.
За Шпанецот, ова ќе биде вкупно четврт ангажман на островот, откако претходно, освен Ливерпул, стоеше на кормилото на Челзи (2012-2013) и на Њукасл (2016-2019).
,,Го ангажираме Рафа бидејќи веруваме дека ќе им донесе успех на клубот и на навивачите. Накратко кажано – треба да се бориме за врвот на табелата и за освојување на трофеи. Рафа е докажан победник со големо меѓународно тренерско искуство и го обезбедивме најдобриот човек што може да го освои тоа за нас.” – се огласи еден од сопствениците на клубот, Фархад Мошири, за официјалниот веб-сајт на Евертон.
Бенитез ќе започне со своите обврски од 5 јули, кога воедно ќе започнат и тренинзите за претстојната претсезона.
