Mакедонскиот интернационалец Никола Костески и неговиот тим Талент Плзен ќе играат мајсторка за титулата откако во четвртиот натпревар на гостински терен славеа кај шампионот Бањик Карвина со 29:34 и израмниja во финалната серија на 2-2 во победи.
Никола Костески одигра уште еден одличен натпревар во кој постигна 2 гола од 2 обиди. Во последните десет минути при 26:26 кога се кршеше резултатот врз одличниот Костески беа направени 2 пенали и изнуди две пробивања и беше еден од најзаслужните за конечниот триумф. Победата беше уште потешка ако се знае дека во првиот дел Плзен остана без двајца клучни ракометари кои добија син и црвен картон.
Плзен ќе биде домаќин во решавачкиот петти натпревар кој се игра во недела од 17 часот каде Костески и другарите ќе имаат шанса да дојдат до дупла круна откако во март го освоија Купот на Чешка.