КК Партизан, по прекинувањето на соработката со тренерот Андреа Тринкјери, го доведе и првото засилување во своите редови. Станува збор за американскиот бек Коди Милер-МекИнтајер, кој минатата сезона ја помина во дресот на Цедевита Олимпија каде што во Еврокупот бележеше по 15,2 поени, 5 скокови и 4,5 асистенции односно 14 поени и 5,1 асистенции во АБА Лигата.
Во претходниот дел од својата клупска кариера, Американецот настапуваше за Леувен Берс, Парма, Тексас Леџендс и Зенит Ст. Петерсбург.
МекИнтајер ќе се приклучи во составот на Партизан во припремните тренинзи за сезоната 2020/21.
