Второто овосезонско натпреварување од Светскиот куп во женска нордиска комбинација помина целосно во знакот на Гида Вестволд Хансен.
Норвежанката (14:14,6) дојде до втората победа во 2022/23 на домашно тло во Лилехамер на убедлив начин.
После првата серија, актуелната шампионка имаше предност од цела минута пред најблиската конкурентка, која накрај ја зголеми за над дваесет секунди.
Второто место го освои нејзината сонародничка, Ида Марие Хаген (+1:21,6), која го оправда епитетот за најдобра скијачка и напредна пет позиции во тркачкиот дел.
Најниската позиција на пиедесталот беше одлучена со фотофиниш во кој, Лиза Хирнер (+1:22,5) за стотинка ја претекна Натали Армбрустер (+1:22,5).
Од останатите натпреварувачки, под две минути доцнеа уште Аника Зиф (+1:40,5) и Јуна Касаи (1:41,2).
