Најдобрата македонска одбојкарска репрезентација во периодот од 1-19 септември ќе учествува на претстојното Европско првенство кое ќе се одржи во четири земји (Полска, Чешка, Естонија и Финска) .Нашите одбојкари се сместени во групата „Ц“, во Тампере (Финска). Прв ривал ни е домаќинот Финска на 1 септември од 18.00 часот по македонско време, на 3 септември играме со Холандија, на 5 септември против Турција, следниот ден со Шпанија, а последен противник е Русија.
„Скоро цела група ни се повтори од тоа деби, само две селекции се различни, но сега сме помирни зашто ја нема таа еуфорична трема како пред две години, а би било добро сега да тргнеме со победа и после да видима како ќе се развиваат работите. Сега во мислите ни е само Финска зашто така е најпаметно, без оглед дали играме квалификации, Европска Лига или Европско првенство. Размислуваме натпревар по натпревар бидејќи веќе сме искусна екипа и нема зошто да се залетуваме. Напротив, ќе одиме полека“, изјави Ристо Николов.
