Македонската А репрезентација ги продолжува подготовките за почетокот на новото издание на Лига на нации и воведниот натпревар против Бугарија на 2. јуни во Разград.
Бобан Николов, еден од репрезентативците на Македонија ќе биде дел од претстојните четири меча од Лигата на нациите. Првиот предизвик е Бугарија на 2 јуни во Разград.
„Кога доаѓаме да играме за македонската репрезентација, ништо не е тешко. Четири натпревари за десетина денови е премногу, но тука не можеме да влијаеме. Нашата цел е првиот натпревар. Во овој момент не размислуваме за другите натпревари. Против Италија и Португалија покажавме дека можеме многу, но тоа е зад нас и сега треба да бидеме посконцентрирани за да потврдиме дека резултатите не беа случајни.
