Деновиве, низ друштвените мрежи, кружеа контроверзни слики од приватните групни пораки на хокеарот на Вашингтон Капиталс, Брендан Лајпсик, на коишто беа прикажани засрамувачки пораки од канадскиот хокеар. Најпрво, фотографиите се појавиле на Инстаграм профил со корисничко име „@angelszeee2020″, но истите биле избришени подоцна.
Имено, „друштво“ на Лајпсик во групниот разговор му правеле повеќе луѓе меѓу кои и неговиот брат Џереми и хокеарот на Флорида Пантерс – Џек Родевалд.
Во разговорот, Лајпсик пишувал мизогени пораки во кои ги нарекувал жените со погрдни зборови како „свињи“. Првата порака, всушност била слика од жената на негов поранешен соиграч со коментар „Види колку е дебела.“ Во втората порака, Лајпсик објавил слика од неговиот поранешен соиграч од Ванкувер Кенакс, Џејк Виртанен, кој бил на одмор со фамилијата, а во коментар напишал дека тоа е „Несомнено најлоша екипа [за дружење] во светот.“. Во третата порака, Канаѓанецот објавил слика од неговите соиграчи од Отава Капиталс и како коментар додал „З*еби, тие се губитници.“.
По сите горенаведени откритија, Лајпсик на својот официјален Твитер профил напиша:
„Вчера беше хакиран Инстаграм пофилот на еден мој пријател и некој раширил слики од приватни разговори во коишто бев и јас. Целосно сфаќам колку несоодветни и навредливи се коментарите и искрено им се извинувам на сите за моите постапки. Од ова ќе научам важна лекција и ќе станам подобра личност. Со тек на време ќе определам како да продолжам понатаму на одговорен и значителен начин. Навистина ми е жал.“
Во врска со целата ситуација, Вашингтон Капиталс објавија своја изјава, а во неа се спонуваше:
„Запознаени сме со неприфатливите и навредливите коментари на Брендан Лајпсик во приватна група на друштвените мрежи. Ќе го средиме ова интерно.“
Сепак, покајувањето на хокеарот не го смени ставот на неговиот веќе поранешен клуб, кој денес официјално му го раскина договорот. Исто така, Џереми Лајпсик, братот на Брендан, беше исфрлен од хокеарскиот тим на универзитетот во Манитоба. Засега, останува непозната судбината на Џек Родевалд.



