Нефтехимик Нижнекамск е единствениот тим од Источната конференција на КХЛ, кој сè уште нема ниедна победа.
Денес, овој клуб го загуби и шестиот овосезонски дуел, откако беше поразен од Трактор Чељабинск со 4-0.
,,Мечките” имаа одлична реализација од 18,18% (4/22) и дојдоа до триумфот, постигнувајќи по два погодоци во првата и во втората третина.
Двоен стрелец за победничкиот состав беше Владимир Ткачјов, а по еднаш реализираа Сергеј Калинин и Алексеј Бивалцев.
Голманот на домашниот состав, Илја Проскурјаков, дојде до првиот шут-аут во сезоната со 36/36 одбранети шутеви.
На табелата на Истокот, Нефтехимик се наоѓа на самото дно, додека Трактор скокна на седмото место.