По вторпат во низа, ски скокачите од Светскиот куп ќе се натпреваруваат во Германија, односно од Вилинген се преселија во Клингентал, кој служи како замена за јапонскиот Сапоро.
На денешната програма беа квалификациите, на кои најдалеку скокна Халвор Егнер Гранеруд (141 метар). Норвежанецот накрај заврши на првото место, иако скокна од пократко залетувалиште по барање на тренерот Александер Штокл.
Словенецот Бор Павловчич го освои второто место со скок од 140 метри, а Давид Кубацки заврши како третопласиран.
На првите десет позиции се најдоа уште: Маркус Ајзенбихлер, Анже Ланишек, Роберт Јохансон, Андржеј Стекала, Рјоју Кобајаши, Пиус Пашке и Мариус Линдвик.
На утрешното натпреварување ќе скокаат сите педесет скокачи што настапија на денешните квалификации.
📸 Stanko Gruden/Agence Zoom/Getty Images
