МЗТ Скопје победи со 70:69 против Хелиос во меч од АБА 2 лигата, но одигра многу лоша завршница и за малку ќе прокоцкаше двоцифрена предност. Со погодено слободно фрлање Мекиќ ја донесе победата, а Хелиос не погоди во последниот напад за среќа на македонскиот претставник во Јадранската лига.
МЗТ Скопје влезе во последниот период со предност од 12 поени разлика, откако ги доби сите три периоди претходно, но одигра многу лош финиш и последни 10 минути. Хелиос со тројка на 18 секунди до крај израмни на 69:69, потоа направија фаул, а Мекиќ погоди еднаш од два обиди.
Хелиос го имаше последниот напад, но за среќа промашија и МЗТ сепак ја забележа четвртата победа на петтиот меч во АБА 2 лигата. Во победничкиот табор со двоцифрен учинок беа Улоџоби со 16 поени, потоа Бојиќ постигна 12, а 10 поени зад своето име запиша Магдевски. Во тимот на Хелиос Махковиќ беше најефикасен на натпреварот со 21 кош.