Столе Димитриевски има моќен кам-бек на голот на Рајо Валјекано и на два меча по ред не прими гол и двапати неговиот тим победува со ист резултат од 2:0. Нашиот репрезентативен голман за првпат во Новата година бранеше за Рајо Валјекано во првенствен меч од шпанската Сегунда и успеа да ја сочува мрежата, а клубот од Мадрид забележа вредна победа од 2:0 на гостински терен против Мирандес.
Првиот голман на шпанскиот второлигаш паузираше на четири меча поради исклучувањето на дуелот со Леганес на почетокот на декември. Димитриевски бранеше и против прволигашот Елче во сабоата во меч од Копа Дел Реј, а и тогаш не дозволи да му се тресе мрежата, па Рајо се пласираше во осминафиналето на шпанскиот куп.