Во рамките на 21. коло од италијанската Серија Б, Бреша и Читадела пружија спектакуларен меч што заврши со резултат од 3-3.
После првите 45 минути игра, Бреша стекна навидум убедлива предност од 3-0, со головите на Флоријан Аје (7′, 44′) и на Алфредо Донарума (28′).
Во второто полувреме, Читадела ја презеде иницијативата и успеа да израмни на 3-3 и со тоа да избори поен од тешкиот натпревар.
Стрелци за гостите беа Марио Гарџуло (62′), Доменико Фраре (79′) и Енрико Балдини (84′). За Фраре и за Балдини, денешните погодоци беа дебитантски во дресот на клубот од северна Италија.
Во последната минута од регуларниот дел, Бреша остана со играч помалку, откако Андреа Папети доби втор жолт картон.
Прекинот на серијата од четири порази значеше пласман на четиринаесеттото место на табелата за Бреша. Од друга страна, Читадела се бори за промоција во Серија А и ја зазема четвртата позиција.
📸 bresciacalcio.it
