Дербито на денот во КХЛ го одиграа две екипи што претендираат на врвот на Западот – Локомотив Јарослављ и СКА Ст. Петербург.
Во нивниот прв заеднички дуел после речиси четири месеци, Локомотив славеше со 4-1. За домаќините, ова беше трета врзана победа доволна за израмнување на табелата со денешниот ривал, кој има три порази во низа, на второто место на Западот.
Во првите четириесет минути игра, единствен хокеар што постигна погодок беше Павел Красковски, кој му донесе почетно водство на Локо.
Во третиот период, Георги Иванов зголеми на 2-0 после неполна минута, а подоцна, Миро Аалтонен го преполови заостатокот на СКА.
До крајот, Локомотив уште двапати ја затресе мрежата на Александер Самонов, преку Андре Петерсон (од пенал) и Максим Осипов, за конечни 4-1.
📸 Илья Смирнов, photo.khl.ru