Во полуфиналето на Купот во Чешка вечерва се сретнаа тимовите на Никола Костески и Дејан Кукуловски во кои на победа се радуваше стружанецот. Талент Плзен славеше со 41:35 против Брно и се пласира во финалето.
Никола Костески поради водството на Плзен и подолгата клупа играше само во првиот дел во кое одигра на своето ниво и постигна 2 гола, имаше 2 изнудени пробивања и 1 украдена топка. На спротивната страна Дејан Кукуловски играше во двата правци во поголемиот дел од мечот и исто така одлично си ја заврши работата со 5 погодоци и добра игра во одбраната, но недоволно за победа.
