Првиот меѓусебен дуел во дваесет и првиот век помеѓу Ираклис и Дијагорас се одигра денес во рамките на десеттото коло од грчката Супер лига 2 Север.
Имено, на овој натпревар, Ираклис дојде до трите бода, откако во Солун го порази својот ривал од Родос со 2-1.
Домаќините поведоа со 2-0, откако реализираа при крајот на првото, односно на стартот на второто полувреме.
Во листата на стрелците најпрво се запиша Србинот Коста Алексиќ (35′), а потоа и Белгиецот Дензел Јубитана (49′).
До крајот, почесен погодок за гостинскиот состав постигна Јоргос Магакис (89′), но тоа не беше доволно за враќање назад макар со еден бод.
На табелата, Ираклис изби на седмото место, спуштајќи го Дијагорас на осмата позиција.
