Најуспешниот македонски автомобилист Игор Стефановски-Иџе ја освои третата европска титула во својата кариера. Ова е прва негова титула по осум години пауза, откако беше европски првак во оваа конкуренција и во 2014 и 2015 година.
Тој оствари седум победи на десетте трки што се возеа и супериорно го освои победничкиот пехар во својата категорија. На последните две трки од сезоната, што се возеа во хрватското гратче Бузет, Игор Стефановски- Иџе само ја потврди титулата во Европското првенство на ридски патеки.
