Вардар со нова одлична игра славеше против Еурофарм Пелистер во натпревар од Суперлигата со 30:25. Ова беше втора победа за Вардар над “лутиот” ривал за кратко време после таа во натпреварот од Суперкупот.
Најдобри кај Вардар беа Милан Лазаревски и Марко Срдановиќ со по 6 гола, а голманот Мартин Томовски блескаше со 13 интервенции. Кај Еурофарм Пелистер, Урош Борзаш имаше 6 гола, сите во второто полувреме, пред Цветан Кузманоски и Ненад Костески со по 5 погодоци.
