Македонската одбојкарска репрезентација го доживеа и вториот пораз на гостувањето во Софија. Бугарија славеше со идентично 3:1 со што нашата репрезентација ги заврши подготовките за европските квалификации.
На двете средби во нашиот тим се истакна Никола Ѓорѓиев со 14 односно 10 поени. За Македонија следуваат квалификациските дуели за Европско првенство во Скопје во кои што ќе играме против селекциите на Би Х и Турција откако Данска го откажа настапот поради пандемијата со коронавирус.
Турнирот ќе се игра двокружно и завршува на 16-ти јануари. На Европско првенство ќе патува првопласираната репрезентација во групата како и петте најдобропласирани втори селекции.
