Еден од најдобрите шпански кошаркари, Марк Гасол кариерата ја продолжува во редовите на НБА шампионот Лос Анџелес Лејкерс. Гасол потпишал двегодишен договор во кој нема опција да ги напушти Лејкерси по крајот на првата сезона.
Како што стојат работите, тој ќе има годишна плата од 5,3 милиони долари и ќе биде засилување под кошевите по заминувањето на центарот Двајт Хауард. Неговиот постар брат, Пау им помогна на Лејкерси да стигнат до титулите во 2009 и 2010 година.
Лејкерс го драфтуваа Марк уште во 2007 година, но го трејдуваа во Мемфис за да го обезбедат доаѓање на неговиот брат, Пау и по 13 години и вториот Гасол ќе игра за славниот клуб од Лос Анџелес.