Пред неполни шест месеци, великанот Бешикташ очекувано го декласира составот на Хатајспор со убедливи 7-0.
Сепак, во единаесеттото коло од турската Супер лига, претставниците на градот Антакја го возвратија ударот и славеа со минимални 1-0.
Стрелец на единствениот погодок на мечот беше Грузиецот Саба Лобјанидзе, кој го отвори резултатот уште во шестата минута.
Во продолжение следуваше доминација на Бешикташ, како и гол на Мехмет Топал (73′), кој беше поништен со ВАР поради офсајд.
После единаесет одиграни средби, денешните домаќини ја имаат најдобрата одбрана во лигата со само осум примени погодоци.
Овој параметар, заедно со вториот најефикасен напад, го искачија тимот од самиот југ на Турција на второто место на табелата.
Од друга страна, Бешикташ е третопласиран со натпревар повеќе во однос на конкурентите.
