Вечерва одбојкарската репрезентација на Македонија од 19 часот ќе го одигра вториот натпревар на Европското првенство против селекцијата на Холандија.
„Истото ни се случи како и пред две години, изгоревме во таа желба за победа и го загубивме првиот меч против Финска. Јас сѐ уште тврдам дека сме подобри од нив, но тоа не се покажа на теренот. Жал ми е, мака ни е на сите и после непроспиената ноќ, гледавме видео, па ќе се подготвуваме за следните четири меча. Историјата покажува дека секој следен меч го играме сѐ подобро и подобро, така да се надевам дека и овојпат ќе биде така и дека ќе ја израдуваме Македонија. Борбата за осминафинале сѐ уште не е завршена!“, изјави Никола Ѓорѓиев.
